Соңғы уақытта Қарасай ауданында бірқатар күрделі әрі инновациялық операциялар жасалып жатыр. Бүгін Қытайдан келген Dr. Yu Xiaolin және жергілікті дәрігерлер бірлесіп, жүрекке жоғары технологиялық ота жасады. Науқастың жүрек тамырлары қатты бітеліп қалған, сондықтан оларды Қытайдың Sonosemi компаниясының ультрадыбыстық баллоны арқылы кеңейту әдісі қолданылды. Бұл технология тамыр ішіндегі қатты шөгінділерді ультрадыбыспен жұмсартып, қан айналымын жақсартады. Операция нәтижесін нақты тексеру үшін тамыр ішілік ультрадыбыс (IVUS) қолданылып, соңында стент орнатылды. Барлығы сәтті өтті, ал науқастың жағдайы жақсы! Осындай халықаралық тәжірибе алмасу – біздің медицина үшін үлкен жетістік! Dr. Yu Xiaolin бастаған қытайлық мамандармен әріптестік болашақта да жалғасады деп сенеміз.
Қарасай ауданында қытайлық дәрігерлердің қатысуымен ерекше операция жасалды (Видео)
